Maro ochwado wuode gi oludh kuon

Weche nyocha okethre Homabay county kocha kane maro nochwado wuode gi oludh kuon nikech okelone nyako mokofwar ni jaode.

Maro no wachre ni osekwero wuode no gaming'a ni kik tem kelnee nyako mararacha ma tiende okwengore to chonge tuomore ni odwa kendo to wuode ok winj.

Nyocha wachre ni wuode nopondo okelo nyako gotieno to kara maro nowinje kobiro gotieno. Koro koromo gokinyi kogwen sama koro wuoyi dwa kowo nyako, eka oromo wang' gi wang' gi mingi ka rite.

Min gi nolawe gi nyare ni kochwado gi gi oludh kuon.

Sani koro nitie bura moseluong kidwaro yal maro no ero nikech wachre ni ento ema en raracha makata nyako manoriembo no ber berie.

Jo Homabay, ae uru e weche makama!

"kokiwinj towachni"

Ngum ogore Juja nikech nyako!!

Ngum nyocha ogore Narobi ka yo Juja kocha kane apisi moro omak ka nigi jago moro ma soja gi jowuoyi moko ariyo mabende ne gin osiepene.

Nyako ni wachre ni osebedo ka timo timbe mag Merimela go kuom ndalo mathoth ahinya lakini chieng’ no tokoro ndalo ne prang’wen nochopo momake gosiepe ne ariyo gi.

Osiepne achiel miluongo ni Okello wachre ni noyudo namba ngat moro mondik ni “bebi” e simb nyako ni eka enbe nochich mokao namba no ero.

Okello nogoyo namba no ero moromo gi jago morono manyinge Felo ma kuom sani tiyo e od pesa moro e boma ka kaka jakwan pesa e tok glass. Kanopenjo Felo to Felo onyise ni enbe nyako no miluongo ni Vera osiepne.

Kaae to jogi winjre ni mondo gimondi gokinyi nyaka kuma nyako ni somoe mondo gimonje gi wach ma nyaka oyie. Nyako ni somo e mbalariany ma JKUAT.

Aya, Okello gi Felo donge okaw mtoka madhi juja chieng’ ngeso kogwen. Gichopo ma saa achiel oyudo ka gisechopo Juja e saa machon! Kasto gidhi e od nyako ni kumopange ot. (Ot mabe gin emagichulo ga kagikia)

Kaneginduong’o dho ot ma Vera oyawo (notweyo leso) to Vera nobwok mochako kagima odwa loro dhot kendo mondo odog iye lakini Felo odhiro dhot modonjo kode!

Kara nyako ni ne nigi ng’ato kendo eot ka! Mana soja omera! Jogi oyudo ka soja ni osetiyo otieno te ma koro ot dum siwuoya to Soja no toyao kore (libamba) e kitanda pod yweyo.

Emakoro Felo nepadgo nyako ni konyise ni orwak suruari… 

We ngum mondo ochak ywak eodni.. Okello gi Felo onywakone soja ni eot ka nyako to goyo uwi malich kaluongo kony.

Jogi oduogo onyoso jagoni makoro Soja oknyal kata wuotho korka gidwa gole oko golando to pod en duk.!

Polise emoduogo okonyo ng’atni ka koro osechop kode but taon.

Nyako ni sani wachre ni oweyo somo pod odhi yweyo dala matin, yo Gem kocha, nyaka weche go kwe ekakoro oduogi mondo osom gi kwe.

“kokiwinj towachni!”